Учениците од ООУ„Александар Македонски“ во посета на Музејот на Македонија
Денес, учениците од III-1, III-2, III-3 одделение предводени од наставничките Ленка Стојанова и Александра Спирова, при ООУ „Александар Македонски“ го посетија Музејот на Македонија, ја разгледаа постојаната етнолошка поставка и одблизу се запознаа со богатото етнолошко културно наследство на нашата земја. Во рамките на посетата, учениците имаа можост да откријат дел од богатството на македонската традиција преку разгледување на: народни носии и ткаеници, народниот накит,народната керамика, ликовни дела со етномотиви, традиционални занаети, народни обичаи и народна архитектура.
Постојаната поставка овозможува запознавање со традиционалниот секојдневен живот, семејните обичаи и духовниот свет на македонскиот народ.
Преку ваквите едукативни посети, најмладите учат повеќе за своите корени, ја запознаваат македонската традиција и ја развиваат свеста за значењето на културното наследство.
Ги покануваме училиштата и наставниците да ја искористат можноста за едукативна посета и заедно со своите ученици да го откријат богатството на македонската традиција во Музејот на Македонија.
Влезот за ученици е по симболична цена од 50 денари по ученик.