Денес во Едукативниот центар во Музејот се одржа едукативна работилница за грнчарство, која продолжува како дел од нашата долгогодишна соработка со ООУ „Свети Кирил и Методиј“ – Скопје, Центар. На денешната работилница учениците имаа можност самите да изработуваат садови од глина, инспирирани од традиционалното грнчарство – барде, стомни, грне и тава.
Преку непосредна работа со глината, тие се запознаа со старите техники и со значењето на грнчарските предмети во секојдневниот живот во минатото.