На 4 мај 1903 година, македонското национално-револуционерно движење претрпе ненадоместлива загуба со убиството на Гоце Делчев, визионерот и идеологот на Македонската револуционерна организација.
Трагедијата се случи во селото Баница, Серско, каде Делчев и неговата чета биле опколени од бројна османлиска војска. Во нерамноправна и жестока битка, обидувајќи се да ја извлече четата од обрачот, Гоце Делчев падна покосен од куршумите на војската. Неговата смрт, на само три месеци пред Илинденското востание, остави празнина која тешко се надополни.
Делчев остана запаметен како апостол на слободата кој веруваше во културен натпревар меѓу народите. Неговите мошти денес почиваат во црквата „Св. Спас“ во Скопје, како симбол на македонската државност.
Во прилог: „Убиството на Гоце Делчев“, масло на платно, автор: Миле Корубин. Од фондот на ликовни дела на Музеј на Македонија. ----------------------
Денес (4 мај), на вечното почивалиште на великанот на македонската борба за државност Гоце Делчев во црквата „Свети Спас“, делегација од НУ Музеј на Македонија, предводена од директорот Александар Ристевски, положи свежо цвеќе.
Каузата на Гоце не обврзува да ја чуваме и негуваме националната култура, историја, фолклор и традиција.
Слава му!
Today (May 4), at the eternal resting place of the great Macedonian struggle for statehood Goce Delchev in the church "Sveti Spas", a delegation from the NI Museum of Macedonia, led by the director Aleksandar Ristevski, laid fresh flowers.
Goce's cause obliges us to preserve and cherish the national culture, history, folklore and tradition.
May he rest in peace!