Европските денови на културното наследство и Музејот на Р. С. Македонија го најавуваат новото издание на „Млади европски креатори на културно наследство“ за 2024 година. Оваа креативна активност има за цел да ги поттикне младите луѓе да се ангажирраат активно во промовирањето на нивното локално културно и историско наследство, преку изработка на видео, фотографии, цртежи, постери, како и со реализација на други проекти. Во тие рамки, право на учество имаат деца и младинци родени во периодот помеѓу 2007 и 2018 година. Во селекцијата за наградите ќе бидат земени предвид само групни креации, создадени под водство на ментори. Селкцијата ќе се врши во две старосни категории: деца од 6-11 години и млади луѓе од 11-17 години.
На национално ниво, активностите ќе можат да се реализираат во периодот од 1-ви септември 2024 до 28-ми февруари 2025 година. Потоа ќе следи период на селекција на најдобрите творби, а информација за групите наградени на европско ниво ќе биде објавена на почетокот на мај 2025 година.
Линковите за објавата на социјалните мрежи се: Instagram и Facebook . Примери на креации и проекти наградени во претходните години ќе може да се погледнат на https://www.europeanheritagedays.com/.../Empowering-Young...
Се надеваме дека младите луѓе ќе најдат инспирација за својата европска приказна во нашето богато материјално и нематеријално културно наследство, во природните богатства, како и во рамките на дигиталното наследство.