Одлука за избор на кандидат по јавен оглас за вработување

Врз основа на член 20 – д од Законот за вработените во јавниот сектор („Службен весник на Република Македонија“ бр. 27/14, 199/14, 27/16, 35/18 и 198/18 и „Службен весник на Република Северна Македонија“ бр. 143/19 и 14/20) и врз основа на член 77 – е и член 77 – ж од Законот за културата, („Службен весник на Република Македонија“ бр. 31/98, 49/03, 82/05, 24/07, 116/10, 47/11, 51/11, 136/12, 23/13, 187/13, 44/14, 61/15, 154/15, 39/16, 11/18 и 11/18) и јавен оглас за вработување број 1/2024г, в.д директорот на НУ Музеј на Република Северна Македонија донесе

О Д Л У К А

за избор на кандидат по јавен оглас за вработување

1. По јавниот оглас број 1/2024, за вработување на неопределено време на еден извршител на работно место Библиотекар, се избира кандидатот МАГДАЛЕНА АВРАМОВСКА.
2. По конечноста на Одлуката за избор ќе се донесе решение за вработување и со избраниот кандидат ќе се склучи договор за вработување.

О Б Р А З Л О Ж Е Н И Е

 Врз основа на добиена согласност од Министерството за финансии број 19-1635/2 од 24.01.2024 година и Одлуката за објавување јавен оглас број 01/24 од 25.01.2024 година,  НУ Музеј на Република Северна Македонија на 27.01.2024 година на својата службена интернет страна и во дневните весници „Слободен печат“, „Нова Македонија“ и „Коха“ објави јавен оглас за вработување на неопределено време на (1) еден извршител за работното место Библиотекар, со шифра КУЛ 0304 Д03 001.

На јавниот оглас пријави доставија двајца кандидати. Комисијата за постапка за вработување изврши проверка на веродостојноста на доставените податоци и доказите доставени на јавниот оглас. При оваа проверка Комисијата утврди дека еден од пријавените кандидати нема доставена уредна и комплетна документација. Во втората фаза од постапката Комисијата спроведе интервју со кандидатот кој достави уредна документација по што, врз основа на Записник број 03-60/3 од 13.02.2024 година, до директорот на Музејот беше доставен предлог за избор на кандидат.

Врз основа на Записникот на Комисијата за селекција број 03-60/3 од 13.02.2024 година и согласно доставениот предлог, в.д директорот на НУ Музеј на Република Северна Македонија донесе Одлука како во диспозитивот.

Правна поука: Незадоволниот кандидат има право на приговор до Управниот одбор на НУ Музеј на Република Северна Македонија, во рок од 8 (осум) дена од денот на објавување на огласната табла на Музејот.

              13.02.2024                                                                                                                                                                                НУ Музеј на Република Северна Македонија
              Скопје                                                                                                                                                                                                                 в. д директор

                                                                                                                                                                                                                                            Илија Цурев