Врз основа на член 77-ж став 1 од Законот за културата („Службен весник на Република Македонија“ бр. 31/98, 49/03, 82/05, 24/07, 116/10, 47/11, 51/11, 136/12, 23/13, 187/13 и 44/14, 61/15, 154/15, 39/16, 11/18 и „Службен весник на РС Македонија“ бр. 265/24 и 132/25), член 21 и член 23 став 4 од Законот за работните односи („Службен весник на Република Македонија“ бр. 62/05, 106/08, 161/08, 114/09, 130/09, 50/10, 52/10, 124/10, 47/11, 11/12, 39/12, 13/13, 25/13, 170/13, 187/13, 113/14, 20/15, 33/1572/15, 129/15, 27/16, 120/18 и ,,Службен весник на РС Македонија“ бр.110/19, 267/20, 151/21, 288/21 111/23 39/25, 74/25 и 124/25), член 9 од Правилникот за формата и содржината на јавниот оглас и на пријавата за вработување, начинот на спроведување на селекцијата како и начинот на бодување во зависност од категоријата и нивото на работното место за кое е објавен огласот од НУ Музеј на РС Македонија бр.01-654/2 од 19.10.2024 година, Правилникот за систематизација на работни места во НУ Музеј на РС Македонија, член 13 став 2 алинеја 7 од Статутот на НУ Музеј на РС Македонија Скопје бр.01-920/1 од 24.09.2015 година, бр.02-104/4 од 26.02.2018 година, бр.02-212/2 од 13.03.2019 година и бр.02-168/10 од 31.03.2022 година, во врска со јавниот оглас за вработување на две лица на неопределено време бр.02/2025 објавен на 10.07.2025 година и Предлогот на кандидати за вработување, директорот на НУ Музеј на РС Македонија Скопје, ја донесе следната:
ОДЛУКА за избор на две лица, даватели на услуга по објавен оглас бр.02/2025
1.Врз основа на објавен јавен оглас 02/2025 од страна на НУ Музеј на РС Македонија Скопје, за вработување на 2 (две) лица, даватели на услуги на неопределено време, на работно место со со шифра КУЛ 03 04 Д03 002, со назив Кустос за народни ткаеници во Одделението за етнологија во НУ Музеј на РС Македонија Скопје, се избираат Лилјана Петрушева и Невена Флоровска.
2.По конечноста на оваа одлука, директорот на НУ Музеј на РС Македонија Скопје ќе донесе решение за вработување на избраните кандидати и ќе склучи договор за вработување.
3.Одлуката за избор се доставува до сите кандидати и се објавува на огласната табла и на интернет (веб) страницата на НУ Музеј на РС Македонија Скопје.
4.Одлуката влегува во сила со денот на нејзиното донесување.
Образложение
Во согласност со Годишниот план за вработувања за 2025 година бр.03-556/1 од 20.08.2024 година и Согласност за обезбедени финансиски средства од Министерство за финансии број 19-7257/2 од 07.07.2025 година, НУ Музеј на РС Македонија Скопје донесе одлука бр.02-464/1 од 08.07.2025 година за објава на јавен оглас за вработување на неопределено време на две лица на работно место Кустос за народни ткаеници во Одделението за етнологија во НУ Музеј на РС Македонија Скопје, даватели на услуги.
Јавниот оглас бр.02/2025 за засновање на работен однос на неопределено време за 2 (две) лица за работното место Кустос на народни ткаеници во Одделението за етнологија во НУ Музеј на РС Македонија, беше објавен на ден 10.07.2025 година во дневните печатени изданија на весниците „Слободен печат“, „Нова Македонија“ и „Коха“ и на интернет (веб) страната на Музејот, кој траеше 15 (петнаесет) дена од денот на неговото објавување.
Постапката за избор на пријавените кандидати беше спроведена од страна на Комисија за спроведување на постапка за вработување, определена од Министерството за култура и туризам на РС Македонија со решение бр.31-6791/2 од 16.07.2025 година.
Комисијата за спроведување на постапката за вработување, на ден 30.07.2025 година, ја спроведе првата фаза од постапката, односно изврши административна селекција на сите пристигнати пријави по јавниот оглас број 02/2025 година, за што состави Записник од извршена административна селекција бр.03-464/6 од 30.07.2025 година и го достави до директорот на НУ Музеј на РС Македонија Скопје.
Втората фаза од постапката за вработување, интервју со избраните кандидати од првата фаза, се одржа на ден 05.08.2025 година. Записникот за спроведено интервју бр.03-464/8 од 05.08.2025 година, беше доставен до директорот на НУ Музеј на РС Македонија Скопје.
Согласно, записниците од административната селекција и спроведено интервју, Комисијата за спроведување на постапката за вработување до директорот на Музејот, достави предлог на кандидати за вработување бр.03-464/9 од 05.08.2025 година со конечна ранг листа на кандидати со освоени бодови од сите фази на селекцијата, по Јавен оглас бр.02/2025, со која му предложи за работното место со назив Кустос за народни ткаеници, да бидат избрани кандидатите Лилјана Петрушева и Невена Флоровска.
Врз основа на се погоренаведеното, директорот одлучи како во диспозитивот на оваа одлука.
Правна поука: Против оваа одлука може да се поднесе жалба до Управниот одбор на НУ Музеј на РС Македонија Скопје, во рок од 8 (осум) дена од денот на приемот на одлуката.
Да се достави до: - Архива - Кандидатите - Огласна табла - Интернет (веб) страница
Одлука за избор