Pamje nga hapja e ekspozitës me vepra nga koleksioni i Muzeut të Maqedonisë "Ngjyrat e lirisë".
Në Muzeun e Maqedonisë u hap ekspozita ku prezantohen dokumente historike, fotografi dhe objekte, si dhe vepra artistike nga autorë bashkëkohorë maqedonas, që flasin për aspiratën maqedonase për pavarësi dhe vetëvendosje, si dhe për figura të shumta historike.
Ekspozitën para publikut dhe mediave e hapi drejtori i Muzeut të Maqedonisë, Aleksandar Ristevski, ndërsa kjo ekspozitë është vepër e ekipit të kuratorëve Marija Petkovska, Tatjana Trajkoviq, Aneta Popantoska, Zdravko Stojkoski, si dhe kolegut Ilija Curev, kustosë në Muze.
Kjo ekspozitë do të jetë e hapur gjatë dy muajve të ardhshëm.
foto: Filip Kondovski