Nga 1 prilli i vitit 2026, në postin e drejtorit të IN Muzeu i Maqedonisë është emëruar Aleksandar Ristevski, pas konkursit të realizuar. Ristevski u zgjodh në konkursin e shpallur nga Ministria e Kulturës dhe Turizmit gjatë muajit shkurt të vitit 2026.
Ai u diplomua në Institutin e Etnologjisë dhe Antropologjisë në Shkup, pranë UKIM-it.
Karrierën e tij profesionale e ka ndërtuar në IN Galeria Nacionale e Maqedonisë, ku punon për më shumë se 16 vjet si kurator etnolog në Departamentin e Depos dhe Dokumentacionit, ndërsa më parë ka punuar si bashkëpunëtor në Departamentin e Dizajnit dhe Marketingut.
Është autor i udhërrëfyesit turistik në gjuhën angleze Skopje Museum Tour, si dhe ka kuruar ekspozita të Dimitar Filipovskit, Antonio Arangjeloviqit e të tjerëve, si dhe projekte dhe ekspozita të tjera, mes të cilave edhe atë të fundit në institucionin e tij amë „Etnografia në veprat nga koleksioni i Galerisë Nacionale“.
Për shumë vite ka qenë redaktor i platformës për arsim, shkencë dhe kulturë Cooltura.mk, e cila për më shumë se pesëmbëdhjetë vjet promovon projektet, ngjarjet dhe politikat kulturore maqedonase.