Dje në Muzeun e Maqedonisë u hap ekspozita "Reklamimi i ekonomisë dhe produkteve industriale-artizanale në Shkup përmes faqeve të gazetës Vardar".
Ekspozita na kthen në Shkupin e periudhës midis dy luftërave botërore, duke e zbuluar qytetin përmes reklamave, njoftimeve dhe faqeve të gazetës "Vardar". Nga dyqanet lokale, sallonet e rrobaqepësisë dhe punishtet e këpucarisë, te barnatoret, dyqanet e delikatesave, hotelet, hanet, filmi dhe teatri – reklamat janë dëshmi të çmueshme të jetës së përditshme, zhvillimit ekonomik dhe modernizimit të Shkupit të asaj kohe.
Vizitoni ekspozitën dhe zbuloni një Shkup ndryshe – të parë përmes faqeve të "Vardar".