Mbrëmë, në hapësirën tonë të galerisë u hap një ekspozitë e mrekullueshme e veshjeve popullore meksikane, të cilën do të keni mundësi ta vizitoni gjatë muajit të ardhshëm.
Ekspozitën e hapën drejtori Aleksandar Ristevski, Ministri i Punëve të Jashtme dhe Tregtisë së Jashtme Timço Mucunski, Konsulli i Nderit i Meksikës në Maqedoni Alban Maliqi dhe u.d. Ambasadorja e Meksikës në Beograd, Flor Deliz Vasquez Munoz.
Ky projekt u realizua në bashkëpunim me Konsullin e Nderit të Meksikës dhe Ambasadën e Meksikës në Beograd. Falënderime të veçanta për bashkëpunimin u.d. Ambasadores Vasquez Munoz, ekipit të Konsullit të Nderit z. Maliqi dhe përfaqësuesit të Maliqi Group, z. Dushan Markoviq.
Në hapje na nderuan me praninë e tyre edhe përfaqësues qeveritarë, përfshirë ministrat Timço Mucunski dhe Bekim Sali, kryetarin e Komunës së Çairit Izet Mexhiti, si dhe përfaqësues të ambasadave të huaja, figura publike dhe profesorë universitarë.
Një falënderim i madh për MTV për mbështetjen dhe mbulimin mediatik të ngjarjes.
Ekspozita u realizua me sukses nga kuratorja dhe etnologia Nade Kostadinovska-Spasenovska, së bashku me ekipin e përkushtuar të Muzeut të Maqedonisë.
Ju ftojmë të vizitoni Muzeun, dyqanet tona të specializuara këtu, në Porta Maqedonia dhe në Muzeun Etnologjik në Fshatin Maqedonas, dhe të mbështesni punën tonë.
Ekspozita do të zgjasë një muaj, deri më 1 nëntor. Jemi të hapur nga e marta deri të dielën, nga ora 09:00 deri në 17:00, dhe bileta hyrëse kushton 100 denarë.